фото новости

Улуу јылдыҥ кӱчӱрген айдыҥ 29 -чы кӱнинде Кӧксуу-Оозы јурттыҥ текши ӱредӱлӱ школында «Алтай кеп -кийимниҥ кӧрӱ маргааны» ӧтти. Маргаанда одустаҥ ажыра балдар турушты.

Кӧрӱ-маргаанды бойыныҥ јараш «Јол ачык деп сананар керек»-деп кожоҥыла Сайланкина Любовь Владимировна ачты.

Кажы ла кӧктӧлгӧн кеп-кийим бойыныҥ учырыла, јаражыла, аҥылузыла башкаланды.

Кӧрӱ – маргаан тӧрт улаамјыга бӧлӱнген:огоош болчомдор ортодо, 1-4 класстар, 5-8 класстар, ӧмӧликтер ортозында ӧткӧн.

Бу кӧрӱ-маргаанды аймак ичинде ӱчинчи катап ӧткӱрип јадыс. Быјылгы маргаанды билениҥ јылына учурлай ӧткӱрдис. Камыстыҥ туружаачылары:

1.Мантокова Алевтина Николаевна- алтай тил ле литератураныҥ методизи,

2.Сайланкина Любовь Владимировна- Кујурлу јурттыҥ культура байзыҥыныҥ нерелӱ ишчизи,

3.Майманова Анна Тадиевна- заместитель директора Катунского биосферного заповедника.

Тартыжу тыҥ болды огоош болчомдор ортодо јеҥӱчилдер

Баштапкы јерди Сугаш јурттыҥ «Башпарак»-деп огош болчомдор  таскадар турачактыҥ  болчомы Такина Мия алды, башкарачызы Ерелина Татьяна Валерьевна -јиит башкарачы болчомдорын белетеп кӧрӱ- маргаанга туруштылар.

Экинчи,ӱчинчи јерди огош болчомдор таскадар балдардыҥ сады «Сказочный городоктоҥ» алдылар  Иванова Софмя ла Майнакова  Александра алдылар.

Баштамы класстар ортодо  јеҥӱчилдер 1-кы јер Сегирткишева Айлана, Тижинова Таҥдалай- Кујурлу, Сугаш јурттаҥ

2-чи јер Папанов Саша, Ерелина Кира- Корумдунаҥ,Сугаш јурттаҥ.

3-чи јер Попова Айжана, Папитов Эркеш, Бедюров Быйанду- Корумдуныҥ баштамы класстардыҥ школынаҥ.

5-8 класстар ортодо турушкан балдардыҥ тоозы сӱӱрекей кӧп болды,оныҥ учун кажы ла јерге эки баладаҥ кийдирдис.

1-кы јер

Захарова Динара, Осокина Анч- Чендек, Тӱҥӱр јурттаҥ

2-чи јер

Соронокова Шуралай, Затеева Ксения- Сугаш,Талду јурттаҥ

3-чи јер

Тадыров Аргымай, Соколова Евгения, Манталаева Урсулина- Тӱҥӱр јурттаҥ.

Ӧмӧликтер ортодо баштапкы јерди Талдунаҥ Табаевтердиҥ билези алды. 

Тӱҥӱрдеҥ келген «Камныҥ» костюмы база солун ла јилбилӱ болды.

  Кажы ла кӧктӧлгӧн кеп-кийим бойыныҥ башказыла аҥыланды, кажызы ла бойыныҥ шидегениле бай, оморкодулу болды.Бистиҥ ортогыста  мындый кӧкчи устар бары  јакшы једим ле бийик турулта.

Олор: Монтокова Радмила Михайловна,  Иртышева Валентина Владимировна, Четова Светлана Михайловна, Ерелина Ольга Чорбоновна, Тюлентина Сылай Александровна,Табаева Лариса Николаевна,Езенева Светлана Григорьевна, Туганакова Карина Саналовна, Осокина Вера Владимировна, Матина Чечек Николаевна, Казакпаева Байсура Владимировна, Кыйынова Айсулу  Яковлевна, Кулеева Ася Станиславовна, Бочкарева Анна Петровна.

Мындый кӧп кӧкчилер барына оморкойдым, сӱӱнедим.  Бистиҥ  албатыныҥ кеп-кийими мындый кӧп устар бар да мынаҥ ары јаранып, ӧҥжип ӧзӧрине  алаҥзу јок.

Онойдо ок бу байрамды ӧткӱрерине акча- манат ла болужын јетирген бастыра аймактыҥ алтай тил ле литератураныҥ ӱредӱчилерине, ада-энелерге јаан быйанымды айдадым. Качанда куунукпай, карыкпай «сен мен»- дебей бир кижидий туруп бу јаан байрамды ӧткӱрерине болушкандарга быйаным.

Залды кееркедип,  ашканада ажанарын, байрамды  ӧткӱрерине јаан болужын јетирген Эмилия Васильевнага Ченчубаевага, Ирина Николаевна Бочкарёвага, 11-чи класстыҥ ӱренчигине Аяшев Станиславка база јаан быйан айдадым.

База мындый туштажулар кӧп болор -деп иженедим.

Кӧрӱ-маргаан  бийик кеминде ӧтти деп айтсам јастыра болбос.